Friday, 17 March 2017

Gold

* "50 കാരറ്റ് സ്വർണ്ണം എവിടെയെങ്കിലും കിട്ടുമോ ചേട്ടാ? വില ഒരു  പ്രശ്നമല്ല "*

ഒരു സുഹൃത്തിന്റെ ചോദ്യമാണ്.

" എന്തൊരു മണ്ടൻ ചോദ്യം " എന്നു പറയാൻ വരട്ടെ.

സ്വർണ്ണം വാങ്ങിക്കൂട്ടുന്നതിൽ ലോകത്തിൽ തന്നെ മുൻപന്തിയിൽ നിൽക്കുന്നവരാണ് മലയാളികളെന്നാലും സ്വർണ്ണത്തെക്കുറിച്ചുള്ള അടിസ്ഥാന വിവരങ്ങൾ പോലും മിക്കവർക്കും അറിയില്ല എന്നതാണ് സത്യം.

ഡയമണ്ടിനെ കുറിച്ചുള്ള പോസ്റ്റ് വായിച്ചതോടെ ഡയമണ്ട് വാങ്ങാനുള്ള മോഹം ഉപേക്ഷിച്ച സുഹൃത്ത്, ഭാര്യക്ക് വിവാഹ വാർഷികത്തിന് പുതുമയുള്ള സമ്മാനമായി മനസ്സിൽ കണ്ടത് അധികമാരും വാങ്ങാൻ സാദ്ധ്യതയില്ലാത്ത 50 കാരറ്റ് സ്വർണ്ണമാണ്.

പക്ഷെ പല ജ്വല്ലറികളിലും അന്വേഷിച്ചെങ്കിലും 24 കാരറ്റിന് മുകളിൽ എവിടെയും ലഭ്യമല്ല എന്ന മറുപടിയാണ് കിട്ടിയത്.  പൊതുവേ മലയാളികൾക്ക് ഇത്തരം സംശയങ്ങൾ ഉണ്ടാവാത്തതാണ്. അഥവാ ഉണ്ടായാൽത്തന്നെ, ദുരഭിമാനം കാരണം അതാരോടും ചോദിക്കാൻ സാദ്ധ്യത കുറവുമാണ്.

ഇനി ചോദിച്ചാലോ മിക്കവർക്കും ഉത്തരം അറിയില്ല എന്നതാണ് സത്യം. അഞ്ചാം ക്ലാസ്സിൽ പഠിക്കുമ്പോഴാണ് ജ്വല്ലറിയിൽ വച്ച് 22 കാരറ്റിന് പകരം കൂടുതൽ പരിശുദ്ധിയുള്ള 25 ഓ 50 ഓ കാരറ്റ് സ്വർണ്ണം വാങ്ങിക്കൂടെ എന്ന് അച്ഛനോട് ചോദിച്ചത്. മിണ്ടാതിരിക്കാനുള്ള താക്കീതായിരുന്നു മറുപടി. വീട്ടിലെത്തി വീണ്ടും എന്താണീ സ്വർണ്ണവും കാരറ്റും തമ്മിലുള്ള ബന്ധം, അഥവാ ഇനി ബീറ്റ്റൂട്ടിലോ തക്കാളിയിലോ മറ്റോ സ്വർണ്ണത്തിന്റെ പരിശുദ്ധി ഉണ്ടോ എന്നൊക്കെ  ചോദിച്ചപ്പോൾ സ്കൂളിൽ ടീച്ചറോട് ചോദിക്കാനായിരുന്നു നിർദ്ധേശം.

ഉത്തരം തേടി സ്കൂളിലെത്തിയെങ്കിലും ടീച്ചർമാർക്കറിയില്ലെന്നത് പോകട്ടെ, അങ്കിൾ, ആൻറി തുടങ്ങി അപ്പൂപ്പൻ വരെ ആർക്കും ഉത്തരമില്ല. പലർക്കും ആകെ അറിയാവുന്നത് 24 കാരറ്റ് ഏറ്റവും ഉയർന്ന പരിശുദ്ധി ആണെന്നും, പക്ഷെ മൃദുലമായത് കൊണ്ട് ആഭരണങ്ങൾ ഉണ്ടാക്കാൻ 22 കാരറ്റ് ആണ് ഉപയോഗിക്കുന്നതെന്നുമാണ്.

ഏറ്റവും പരിശുദ്ധ സ്വർണ്ണം 100 കാരറ്റ് ആയിരിക്കില്ലേ  എന്നും, പരിശുദ്ധിയെ  കാരറ്റ് എന്നു വിളിക്കുന്നത്  എന്തിനാണെന്നും ഉള്ള ചോദ്യങ്ങൾക്ക് അന്ന്  ഉത്തരം കിട്ടിയില്ല.

വർഷങ്ങൾക്കിപ്പുറം,  ഇരുപതിൽപ്പരം രാജ്യങ്ങളിൽ നിന്നുള്ളവരോടും അതിൽ തന്നെ ഇന്ത്യയിൽ 15ഓളം സംസ്ഥാനങ്ങളിൽ നിന്നുള്ളവരോടും ട്രെയിനിംഗിന്റെ ഭാഗമായി ഇതേ ചോദ്യം ചോദിക്കാറുണ്ടെങ്കിലും ആർക്കും തന്നെ ഉത്തരം അറിയുമായിരുന്നില്ല. പക്ഷേ  തീർത്തും കൗതുകകരമായി തോന്നിയത്   ജ്വല്ലറികളിൽ  ജോലി ചെയ്യുന്ന പലർക്കും ശരിയായ ഉത്തരം അറിയില്ല എന്നതാണ്.

പഠിക്കുന്ന കുട്ടികൾ ഉള്ള എല്ലാവരും എന്നെങ്കിലും ഈ ചോദ്യം പ്രതീക്ഷിക്കേണ്ടതുണ്ട് എന്നതിനാൽ നമ്മുക്ക് സ്വർണ്ണവും കാരറ്റും തമ്മിലുള്ള ബന്ധവും ഈ പേര് വന്നതെങ്ങിനെ എന്നുമുള്ള  ഉത്തരത്തിലേക്ക് കടക്കാം.

നൂറ്റാണ്ടുകൾക്ക് മുൻപ്, രാജ്യങ്ങളിൽ അളവു തൂക്ക നിയന്ത്രണ വകുപ്പുകൾ ഒക്കെ വരുന്നതിന് മുൻപുള്ള കാലത്ത്, സാധനങ്ങൾ ഭാരത്തിന്റെ അടിസ്ഥാനത്തിൽ തൂക്കി വാങ്ങാനോ വിൽക്കാനോ ആയി പൊതുവായ തൂക്ക കട്ടികൾ ഒന്നുണ്ടായിരുന്നില്ല. ബാർട്ടർ സമ്പ്രദായത്തിലും മറ്റും  നിത്യോപയോഗ  സാധനങ്ങളുടെ ക്രയ വിക്രയം വലിയ പ്രശ്നം ഉണ്ടാക്കിയില്ലെങ്കിലും അമൂല്യമായ സ്വർണ്ണത്തിനും രത്നങ്ങൾക്കും ഒക്കെ എല്ലാ രാജ്യത്തും പ്രദേശത്തും ഒരേ തൂക്കവും വിശ്വാസ്യതയും ഉള്ള ഒരു വസ്തു ആവശ്യമായിരുന്നു.

എന്നാൽ, പ്രകൃതി എവിടെയും സുലഭമായി കിട്ടുന്ന എന്നാൽ ഒരേ ഭാരമുള്ള ഒന്നിലധികം വസ്തുക്കൾ സൃഷ്ടിക്കുകയില്ലല്ലോ. ഒരേ പോലിരിക്കുന്ന രണ്ടു വസ്തുക്കൾ സാധാരണ ഉണ്ടാവാറില്ല.

പക്ഷെ പ്രകൃതിയുടെ വികൃതി എന്നോ അനുഗ്രഹം എന്നോ പറയാം, മെഡിറ്ററേനിയൻ കാലാവസ്ഥയിൽ വളരുന്ന Carob മരത്തിന്റെ കായകൾക്ക് (വിത്തിന്)എല്ലാം ഒരേ വലിപ്പവും ഭാരവുമായിരുന്നു. ഏത് രാജ്യത്തെ, ഏത് പ്രദേശത്തെ, ഏത് മരത്തിലെ കായയുടെ പയർ മണിക്കും ഒരേ ഭാരം. അത്ഭുതം തന്നെ!.

ഓരോ പയർ മണിയുടെയും അഥവാ, Carob ന്റെയും ഭാരം കൃത്യം 200 മില്ലിഗ്രാം, അഥവാ ഒരു ഗ്രാമിന്റെ അഞ്ചിലൊന്ന്. ഇന്നത്തെ അത്യാധുനിക ഉപകരണങ്ങൾ ഉപയോഗിച്ച് ഭാരം നോക്കിയപ്പോൾ പോലും വ്യത്യാസം കണ്ടു പിടിക്കാനായത് 0.003 gm മാത്രം. ഈ കാരബ് പയർ മണികളാണ് അറബികളും മറ്റും സ്വർണ്ണത്തിന്റെ ഭാരം കണക്കാക്കി  വിൽക്കുകയും വാങ്ങുകയും ചെയ്യാൻ ആധാരമാക്കിയിരുന്നത്. അതിന്റെ ഭാരത്തിന്റെ  വിശ്വാസ്യതയിൽ ആർക്കും തർക്കമുണ്ടായിരുന്നില്ല.

സ്വർണ്ണം തരികളായും ചെറു തകിടുകളായും ആയിരുന്നു, അടിസ്ഥാന ക്രയവിക്രയം നടന്നിരുന്നത്. ആഭരണങ്ങൾ ഉണ്ടാക്കാനും മറ്റും സ്വർണ്ണപ്പണിക്കാരെ ഏൽപ്പിക്കുമ്പോൾ, ശുദ്ധമായ സ്വർണ്ണം ദൃഡത കുറഞ്ഞതായതിനാൽ  അതിൽ ചേർക്കാനുള്ള ചെറിയ അളവ് വെള്ളി  കൂടെ ആവശ്യക്കാരൻ കൊടുക്കണമായിരുന്നു.

ആഭരണങ്ങൾ ഉണ്ടാക്കാനുള്ള അനുപാതം, ഉണ്ടാക്കാനുള്ള  സൗകര്യത്തിന്, ഏറ്റവും കൂടിയത്  24 കാരബിന്റെ തൂക്കത്തിൽ 22 കാരബ് തൂക്കം സ്വർണ്ണവും 2 കാരബ് തൂക്കം വെള്ളിയും  എന്നതായി മാറി. ആവശ്യത്തിന് സ്വർണ്ണം ഇല്ലാത്തവർ 18 കാരബ് സ്വർണ്ണവും ബാക്കി വെള്ളിയും അല്ലെങ്കിൽ 16 ഭാഗം സ്വർണ്ണം 8 ഭാഗം വെള്ളി എന്നിങ്ങനെ  അവരവരുടെ കഴിവിനനുസരിച്ച്  കൊടുത്ത് ആഭരണങ്ങൾ ഉണ്ടാക്കിയിരുന്നു. എളുപ്പത്തിൽ ഭാഗിക്കാം എന്നതിനാൽ കണക്ക് വെക്കാൻ സൗകര്യത്തിന്  ഇടപാടുകൾ  24 ന്റെ ഗുണിതങ്ങൾ ആയി തുടർന്നു പോന്നു.

കാലക്രമേണ, വെള്ളിക്ക് പകരം വില കുറഞ്ഞ ചെമ്പ് സ്വർണ്ണപ്പണിക്കാർ തന്നെ ചേർക്കുകയും സ്വർണ്ണം മാത്രം, ആവശ്യക്കാർ 16 കാരബ്, 18 കാരബ്, 22 കാരബ് എന്നിങ്ങനെ ആഭരണം ഉണ്ടാക്കാനായി കൊടുക്കുകയും ചെയ്ത് പോന്നു. ആഭരണത്തിൽ അടങ്ങിയിട്ടുള്ള സ്വർണ്ണത്തിന്റെ കാരബ് പറഞ്ഞാൽ എത്ര ഭാഗം / പരിശുദ്ധി അതിനുണ്ടെന്ന് പെട്ടന്ന് തന്നെ എല്ലാവർക്കും മനസ്സിലാക്കാനായതോടെ കാരബ് എന്ന വാക്ക് സ്വർണ്ണത്തിന്റെ പരിശുദ്ധിയെ കുറിക്കുന്ന ഒന്നായി. ഈ കാരബ് എന്ന വാക്ക് പാശ്ചാത്യർ ഉപയോഗിച്ച് തുടങ്ങിയതോടെ പിന്നീട് കാരറ്റ് (Karat) എന്നായി മാറിയതാണ്.

24 ൽ 18 ഭാഗം അഥവാ 18 കാരറ്റ് സ്വർണ്ണം എന്നു പറഞ്ഞാൽ 75% സ്വർണ്ണം ഉപയോഗിച്ചാണ് ആഭരണം ഉണ്ടാക്കിയിരിക്കുന്നത് എന്നർത്ഥം. 24 ൽ 22 കാരറ്റ് സ്വർണ്ണമാണെന്ന് പറഞ്ഞാലോ 91.6% സ്വർണ്ണം ആഭരണത്തിലുണ്ട് എന്നു മാത്രമേ അർത്ഥമുള്ളൂ.

അതായത് 22 കാരറ്റ് എന്നതും 916 പരിശുദ്ധി എന്നു പറയുന്നതും ഒന്നു തന്നെ എന്നു സാരം.

ഇനി 24 കാരറ്റ് സ്വർണ്ണമാണെങ്കിലും 99.9% മാത്രമേ പരിശുദ്ധി കിട്ടുകയുള്ളു. അൽപമെങ്കിലും മറ്റു ലോഹങ്ങളുടെ സങ്കരം ഉണ്ടായിരിക്കും. ഇന്നുവരെ റിഫൈൻ ചെയ്തെടുത്തിട്ടുള്ള ഏറ്റവും ശുദ്ധമായ സ്വർണ്ണം 999.999 അഥവാ Six Nines ആണ്. സ്വർണ്ണ ബാറുകൾ പരിശുദ്ധിയിൽ 999.9 ആയിരിക്കും
സ്വർണ്ണത്തെക്കുറിച്ച് ഒരു പാട് രസകരമായ വസ്തുതകൾ ഉണ്ടെങ്കിലും വിസ്താര ഭയം മൂലം ഒരു കാര്യം കൂടി പറഞ്ഞ് അവസാനിപ്പിക്കാം.

തിളക്കം ഒന്നുകൊണ്ട് മാത്രമല്ല ആഭരണമേഖലയിൽ അജയ്യനായി സ്വർണ്ണം വാഴുന്നത്, മറിച്ച് ആഭരണങ്ങൾ ഉണ്ടാക്കാൻ സൗകര്യപ്രദമായ മറ്റൊരു ലോഹവും സ്വർണ്ണത്തിന് മുന്നിലില്ല എന്നതാണ് സത്യം.

വലിച്ചു നീട്ടി കമ്പികളാക്കാനും അടിച്ചു പരത്തി നേർത്ത തകിടുകളാക്കാനും സ്വർണ്ണത്തിനുള്ള സാധ്യത അപാരമാണ്.

നാലുപവന്റെ സാധാരണ മാലയിലെ സ്വർണ്ണം  വലിച്ചു നീട്ടി 80 കിലോമീറ്റർ നീളമുള്ള കമ്പിയാക്കാൻ കഴിയും എന്നു മാത്രമല്ല, അടിച്ചു പരത്തിയാൽ 100 സ്ക്വയർ ഫീറ്റ് വലിപ്പത്തിലുള്ള തകിടാക്കാനും  കഴിയും.

ഇനി സ്വർണ്ണം വാങ്ങുന്നത് ആധികാരികമായി തന്നെയാവട്ടെ.
Courtesy : WhatsApp

Sunday, 5 February 2017

സംഖ്യകൾ

ഇന്ന് നമുക്ക് സംഖ്യകളെ സംബന്ധിച്ച ചില വസ്തുതകൾ മനസിലാക്കാം.

#എണ്ണൽസംഖ്യകൾ
•••••••••••••••••••••••••
എണ്ണാൻ ഉപയോഗിക്കുന്ന സംഖ്യകളാണ് എണ്ണൽ സംഖ്യകൾ എന്ന് ഏറ്റവും ലളിതമായി മനസിലാക്കാം . നിസ്സർഗ്ഗ സംഖ്യകൾ എന്നും അറിയപ്പെടുന്നു.
ഉദാ: 1,2,3,4,5,6,7,8

#അഖണ്ഡസംഖ്യകൾ
•••••••••••••••••••••••••••
പൂജ്യവും എണ്ണൽ സംഖ്യകളും ചേരുന്നതാണ് അഖണ്ഡ സംഖ്യകൾ.
ഉദാ: 0,1,2,3,4,5,6,7

#ഒറ്റസംഖ്യകൾ ( Odd Numbers)
•••••••••••••••••••

രണ്ട് കൊണ്ട് ഹരിച്ചാൽ ശിഷ്ടം 1 വരുന്ന സംഖ്യകളാണ് ഒറ്റ സംഖ്യകൾ .

1,3,5,7, 9,11,13 എന്നിങ്ങനെ ഒന്നിടവിട്ട സംഖ്യകളാണ് ഇത്.

#ഇരട്ടസംഖ്യകൾ ( Even Numbers)
•••••••••••••••••••••
രണ്ട് കൊണ്ട് നിശേഷം ഹരിക്കാൻ കഴിയുന്ന സംഖ്യകളാണ് ഇരട്ട സംഖ്യകൾ .
2,4, 6,8,10,12 എന്നിങ്ങനെ ഒന്നിടവിട്ട സംഖ്യകളാണിത് .

#പോസിറ്റീവുംനെഗറ്റീവും
•••••••••••••••••••••••••••••••
പൂജ്യത്തേക്കാൾ വലിയ സംഖ്യകൾ അധിസംഖ്യ അഥവാ പോസിറ്റീവ് സംഖ്യകൾ എന്നറിയപ്പെടുന്നു.

പൂജ്യത്തേക്കാൾ ചെറിയ സംഖ്യകൾ ന്യൂന സംഖ്യകൾ അഥവാ നെഗറ്റീവ് സംഖ്യകൾ എന്നറിയപ്പെടുന്നു.

ഈ കാര്യങ്ങൾ അടിസ്ഥാന ഗണിത വസ്തുതകളാണ്. ഇത് എല്ലാവരും ശരിയായി ഓർമ്മയിൽ സൂക്ഷിക്കുക.

Saturday, 28 January 2017

മലയാളം വ്യാകരണം

*മലയാളം വ്യാകരണം*

*കാലം ( Tense)*

*ഭൂതകാലം*
നടന്നു കഴിഞ്ഞ ക്രിയ
_ഉദാ: കണ്ടു_

*വർത്തമാനകാലം* -
ഇപ്പോൾ നടക്കുന്ന ക്രിയ
_ഉദാ: കാണുന്നു_

*ഭാവികാലം* -
നടക്കാനിരിക്കുന്ന ക്രിയ
_ഉദാ:കാണും_
---------------------------------------------

*വചനം*

*ഏക വചനം, ബഹു വചനം*

ഏകവചനത്തിന് പ്രത്യയ മൊന്നുമില്ല

*ബഹു വചന രൂപങ്ങൾ*

1. *സംലിംഗ ബഹുവചനം* - വെവ്വേറെ ബഹുത്വം - പ്രത്യായം - മാർ
_ഉദാ: രാമന്മാർ_

*അ ലിംഗ ബഹുവചനം* - സ്ത്രീകളും പുരുഷൻമാരും കൂടി ചേർന്ന ബഹുത്വം
പ്രത്യയം - അർ
_ഉദാ: മിടുക്കർ_

*നപുംസക ബഹുവചനം* - നപും സത വസ്തുക്കളുടെ ബഹുത്വം
പ്രത്യയം -  കൾ
_ഉദാ: മലകൾ_

*പൂജക ബഹുവചനം* - ബഹുമാന്നത്തെ കാണിക്കുന്നത്
പ്രത്യയം - അർ, കൾ
_ഉദാ. ബ്രാഹ്മണർ, നിങ്ങൾ_
-----------------------------------------------
*ലിംഗം*

*സ്ത്രീലിംഗം* - സ്ത്രീ ജാതിയെ കുറിക്കുന്നത്
_ഉദാ: വിദ്യാർത്ഥിനി_

*പുല്ലിംഗം* - പുരുഷ ജാതിയെ കുറിക്കുന്നത്
_ഉദാ: വിദ്യാർത്ഥി_

*നപുംസക ലിംഗം* - ഇവ രണ്ടിലും പെടാത്തവ
_ഉദാ: വിദ്യ_
-----------------------------------------------
*പ്രയോഗം*

കർതൃ കർമ്മാദികാരയങ്ങളിൽ പ്രാധാന്യം കൊടുക്കുന്നത്

*കർത്തരി പ്രയോഗം* - കർത്താവിന് പ്രാധാന്യം നൽകി വാക്യം പ്രയോഗിക്കുന്നു .
_ഉദാ: ഗോപാലൻ പശുവിനെ മേയ്ക്കുന്നു._

*കർമ്മണി പ്രയോഗം* - കർമ്മത്തിനു പ്രാധാന്യം
_ഉദാ: പശു ഗോപാലനാൽ മേയ്ക്കപ്പെടുന്നു_

*ഭാവേ പ്രയോഗം* - ഒരു കാരകത്തിനും പ്രാധാന്യം  ക്രിയാ ഭാവത്തിനു മാത്രം പ്രാധാന്യം നൽകുന്നു.
_ഉദാ: രാമനു റേഡിയൊ കേൾക്കണം_
-------------------------------------------------
*വാക്യം*

*വിധി - നിഷേധ വാക്യങ്ങൾ*

*വിധി* - വിധിയുടെ രൂപത്തിലുള്ള വിധി വാക്യം
_ഉദാ: അവർ ജോലി ചെയ്യുന്നു_

*നിഷേധം* - നിഷേധാർത്ഥത്തിൽ വരുന്ന വാക്യം
_ഉദാ: അവർ ജോലി ചെയ്യുന്നില്ല_

*ചൂർണ്ണിക* - ഒരു കർത്താവും പൂർണ്ണ ക്രിയയുമുള്ള വാക്യം
_ഉദാ: കാളിദാസൻ ശാകുന്തളം രചിച്ചു._

*സങ്കീർണ്ണകം* - ഒരംഗി വാക്യവും ഒന്നോ അധിലധികമൊ അംഗവാക്യങ്ങൾ ഉണ്ടെങ്കിൽ
_ഉദാ: മഴ പെയ്തിട്ടും ഉഷ്ണം ശമിച്ചില്ല_

*അംഗ വാക്യം* - മഴ പെയ്തിട്ടും
*അംഗിവാക്യം* - ഉഷ്ണം ശമിച്ചില്ല

*മഹാവാക്യം* - ഒന്നിലധികം അംഗി വാക്യങ്ങൾ ഉള്ളതിനെ മഹാവാക്യം എന്നു പറയുന്നു.
_ഉദാ: അയാൾ ഇന്നലെ ഇവിടെ വരികയും ഞാൻ അയാളുടെ വീട്ടിലേക്ക് ചെല്ലുകയും ചെയ്തു_

*അപോദ്ധാരം* - ഒരു വാക്യത്തിന്റെ ഘടനയെ അഴിച്ചു കാണിക്കുന്നത്
_ഉദാ: ദുഷ്ടനായ രാവണൻ ഗുണവതിയായ സൂത്രത്തിൽ മോഷ്ടിച്ചു കൊണ്ടു പോയി_
#രാവണൻ - കർത്താവ്
ദുഷ്ടനായ - കർത്തൃ വിശേഷണം
സീതയെ - കർമ്മം
ഗുണവതിയായ - കർമ്മ വിശേഷണം
കൊണ്ടുപോയി - ക്രിയ
മോഷ്ടിച്ചു - ക്രിയാ വിശേഷണം
സൂത്രത്തിൽ - വിശേഷണവിശേഷണം
--------------------------------------------------
*തത് സമം - തത്ഭവം*

*തത്സമം* - അന്യഭാഷ പദങ്ങളെ മറ്റൊരു ഭാഷയിൽ അതുപോലെ തന്നെ പ്രയോഗിക്കുന്നു
_ഉദാ: ബഞ്ച്, പെൻസിൽ_

*തത്ഭവം* - അന്യ ഭാഷ പദങ്ങളെ രൂപ വ്യത്യാസത്തോടെ മറ്റൊരു ഭാഷയിൽ സ്വീകരിക്കുന്നു.
_ഉദാ: ശൃംഖല - ചങ്ങല , Latern - റാന്തൽ_
------------------------------------------------

*നാമം*

ദ്രവ്യത്തിന്റെയൊ, സ്ഥലത്തിന്റെയൊ, വ്യക്തിയുടെയൊ തുടങ്ങി എന്തിന്റെയെങ്കിലും പേരായ ശബ്ദത്തെ നാമം എന്നു പറയുന്നു.
_ഉദാ: രാജൻ, വിമാനം, വായു, തിരുവനന്തപുരം_

നാമം മൂന്നു തരം

*ദ്രവ്യനാമം* - പാർത്ഥങ്ങൾ, വസ്തുക്കൾ എന്നിവയെ കുറിക്കുന്നു
_ഉദാ: പേൻസിൽ_

*ക്രിയാനാമം* - ഒരു പ്രവൃത്തിയെ കുറിക്കുന്നു
_ഉദാ: ഓട്ടം_

*ഗുണ നാമം* - ഗുണത്തെ കുറിക്കുന്നു
_ഉദാ: ചൂട്, മിടുക്ക്_

ദ്രവ്യനാമത്തെ നാലായി തിരിക്കുന്നു.

*സംജ്ഞാന നാമം* - വ്യക്തി/സ്ഥലത്തിന്റെ പേരിനെ കുറിക്കുന്നു.
_ഉദാ: മാധവൻ , കേരളം_

*സാമാന്യ നാമം* - ഒരു ജാതിയെയൊ വർഗത്തെയൊ കുറിക്കുന്നു
_ഉദാ: മനുഷ്യൻ, നദി_

*സർവ്വ നാമം* - ഒരു നാമത്തിന് പകരം നിൽക്കുന്ന പദങ്ങൾ
_ഉദാ: ഞാൻ അവൻ, നീ, അത്_

*മേയ നാമം* - ജാതി വ്യക്തി ഭേദം ഇല്ലാത്തത്
_ഉദാ: മഴ, അകാശം_
_______________________________

*വിഭക്തി*
ഒരു നാമത്തിന് വാക്യത്തിലെ മറ്റു പദാർത്ഥങ്ങളോടുള്ള ബന്ധം കാണിക്കുന്ന പ്രത്യയത്തെയും പ്രത്യയം ചേർന്ന രൂപത്തെയും വിഭക്തി എന്നു പറയുന്നു'

#വിഭക്തി - പ്രത്യയം - ഉദാഹരണം

1. *നിർദ്ദേശിക*  - വിദ്യാർത്ഥി
2. *പ്രതിഗ്രഹിക* - എ - വിദ്യാർത്ഥിയെ
3. *സംയോജിക* - ഓട് - വിദ്യാർത്ഥിയോട്
4. *ഉദ്ദേശിക* - ക്ക്, ന് - വിദ്യാർത്ഥിക്ക്
5. *പ്രയോജിക* - അൽ - വിദ്യാർത്ഥിയാൽ
6. *സംബന്ധിക* - ഉടെ, ന്റെ - വിദ്യാർത്ഥിയുടെ
7. *ആധാരിക* - ഇൽ, കൽ - വിദ്യാർത്ഥിയിൽ
__________________________________
*വാചകവും ദ്യോതകവും*

*വാചകം* - കേൾക്കുമ്പോൾ തന്നെ അത്ഥ ബോധം ജനിപ്പിക്കുന്ന ശബ്ദം
_ഉദാ: എരിവ്, വെളുപ്പ്,_

*ദ്യോതകം* - വാചകങ്ങളോട് ചേരുമ്പോൾ അർത്ഥണോധം ജനിപ്പിക്കുന്ന ശബ്ദം
_ഉദാ: വരെ, വേണ്ടി, കാൾ_

ദ്യോതകത്തെ അവയുടെ ഉത്ഭവം അടിസ്ഥാനമാക്കി 2 അയി തിരിച്ചിരിക്കുന്നു.

*നിപാതം ,അവ്യയം*

*നിപാതം* - ഭാഷയുടെ ആരംഭം തൊട്ടു തന്നെ ദ്യോതകമായി നിലകൊള്ളുന്ന ശബ്ദം
ഉദാ: ഞാനും നീയും - സമുച്ചയ നിപാതം

ഞാനൊ നീയൊ - വികല്പ നിപാതം

നീയെ കാരണക്കാരൻ - അവധാരണ നിപാതം

*അവ്യയം* - വാചകങ്ങളിൽ നിന്ന് പരിണാമം സംഭവിച്ചുണ്ടായ ദ്യോതകം
_ഉദാ: എന്ന്, എന്നാൽ, എങ്കിൽ_

ദ്യോതകത്തെ അവയുടെ പ്രയോഗത്തെ അടിസ്ഥാനമാക്കി 4 അയി തിരിച്ചിരിക്കുന്നു

*ഗതി, ഘടകം, വ്യാക്ഷേപകം, കേവലം*

*ഗതി* - ഒരു നാമത്തോടൊ സർവ്വനാമത്തോടൊ ചേർന്നു നിന്ന് കൊണ്ട് ആ പദത്തിന് മറ്റൊരു പദത്തോടുള്ള ബന്ധത്തെ കാണിക്കുന്ന ദ്യോതക ശബ്ദം
_ഉദാ: കൊണ്ട്, നിന്ന്, വേണ്ടി_

*ഘടകം* - വാക്യങ്ങളെ തമ്മിൽ ബന്ധിപ്പിക്കുന്ന ദ്യോതകം
_ഉദാ: ഉം, ഓ, എങ്കിൽ_

*വ്യാക്ഷേപകം* - വക്താവിന്റെ പെട്ടെന്നുള്ള വികാരങ്ങളെ പ്രകടമാക്കുന്നത ദ്യോതകങ്ങൾ
_ഉദാ: അയ്യൊ! ,ഹാ!, കഷ്ടം!_

*കേവലം* - ഗതി ,ഘടകം, എന്നീ മൂന്നു വിഭാഗത്തിലും പെടാത്തവ
_ഉദാ: ഓ (വന്നുവൊ), ഏ(ഇവളെ), തന്നെ ( മക്കൾ തന്നെ അശയം )_

______________________________
*അനുപ്രയോഗം*

കൂടെ പ്രയോഗിക്കുക എന്നർത്ഥം

അനുപ്രയോഗം 4 വിധം

1. *ഭേദകാനുപ്രയോഗം* - ഒരു പൂർണ്ണ ക്രിയയുടെ പിന്നാലെ നിന്നുകൊണ്ട് അതിന്റെ അർത്ഥത്തിൽ വിശേഷണങ്ങൾ ചേർക്കുന്നവ

_ഉദാ: കൊന്നുകളഞ്ഞു, പറഞ്ഞുകൊള്ളുന്നു_

2. *കാലാനുപ്രയോഗം* - ക്രിയ നടത്തുന്ന കാലത്തിൽ മാറ്റം വരുത്തുന്നവ

_ഉദാ: അവൻ ഇന്നലെ എത്തിയിരിക്കും_

3. *പുരാണാനുപ്രയോഗം* - വിലധാതുവിനെ പരിഷ്കരിച്ച് മറ്റു ധാതുക്കൾക്കൊപ്പം പ്രയോഗം നൽകുന്നത്

_ഉദാ: വേൺ (ഖില ധാതു ) + ഇരിക്കുന്നു (അനുപ്രയോഗം) - വേണ്ടിയിരിക്കുന്നു._

4. *നിഷേധാനുപ്രയോഗം* - നിഷേധാർത്ഥത്തിൽ വരുന്നവ

_ഉദാ: കുട്ടികൾ പഠിക്കുന്നില്ല_

_________________________________

*പ്രകാരം*

ക്രിയ നടക്കുന്ന രീതിക്കാണ് പ്രകാരം എന്നു പറയുന്നത്

പ്രകാരം 6 വിധത്തിൽ

1. *നിർദ്ദേശക പ്രകാരം* - ഭൂതകാലത്തിലൊ, ഭാവി കാലത്തിലൊ, വർത്തമാനകാല രൂപത്തിലൊ വരുന്ന ക്രിയാ രൂപം
_ഉദാ: കൊടുത്തു, കൊടുക്കും, കൊടുക്കുന്നു_

2. *നിയോജക പ്രകാരം* - ക്രിയയുടെ അർത്ഥം ആജ്ഞാ രൂപത്തിൽ വരുന്ന പ്രകാരം
_ഉദാ:  അയാൾ ഇവിടെ വരട്ടെ_

3. *വിധായക പ്രകാരം* - ഉപദേശം, വിധി, ശീലം എന്നീ അർത്ഥങ്ങൾ വരുന്ന പ്രകാരം
_ഉദാ: നിങ്ങൾ പോകണം_

4. *അനുജ്ഞായക പ്രകാരം* - തീരുമാനം അനുവാദം. എന്നീ അർത്ഥങ്ങൾ വരുന്ന പ്രകാരം
_ഉദാ:ഇവിടെ നിൽക്കാം_

5. *ആശംസ പ്രകാരം* - ആംശംസയുടെ  അർത്ഥത്തിൽ വരുന്ന പ്രകാരം
_ഉദാ: അങ്ങ് വിജയിക്കട്ടെ_

6. *പ്രാർത്ഥകപ്രകാരം* - പ്രാർത്ഥനയുടെ
അർത്ഥത്തിൽ വരുന്ന പ്രകാരം
_ഉദാ: എന്നെ രക്ഷിക്കണമേ_

_________________________________

*തദ്ധിതം*
ഒരു നാമത്തിൽ നിന്നൊ വിശേഷണത്തിൽ നിന്നൊ നിഷ്പാദിപ്പിക്കുന്ന മറ്റൊരു നാമത്തിന് തദ്ധിതം എന്നു പറയുന്നു.

തദ്ധിതം 4 വിധം

1. *തന്മാത്രാ തദ്ധിതം* - അനേകം പ്രത്യക ധർമ്മകങ്ങളുള്ള ധർമ്മിയിൽ നിന്ന് ഒരു ധർമ്മത്തെ മാത്രം എടുത്തു പറയുന്നത്
മ,ത്തം, ത്വം, തരം, തമം, തനം - പ്രത്യയങ്ങൾ
_ഉദാ: മഹത് - മഹത്വം, നല്ലത് - നന്മ_

2. *തദ്വത്തദ്ധിതം* - അതുള്ളത് അതിലുള്ളത് അർത്ഥത്തിൽ വരുന്ന തദ്ധിതം
_ഉദാ: വെളുപ്പ് - വെളുമ്പൻ_

3. *പൂരണതദ്ധിതം* - സംഖ്യാ നാമങ്ങളോട് അം പ്രത്യയം ചേർന്നുണ്ടാകുന്ന നാമം
_ഉദാ: ഒന്ന് - ഒന്നാം_

4. *നാമനിർമ്മായി തദ്ധിതം* - പേരച്ചം, ആധാരകാഭാസാം' സംബന്ധികാ വിഭക്തി  ഇവയോടൊപ്പം അൻ, അൾ,  തു എന്നീ ലിംഗ പ്രത്യയങ്ങൾ ചേർന്നുണ്ടാകുന്ന നാമ പദങ്ങൾ

_ഉദാ: ഓടിയ - ഓടിയവൻ_

______________________________

*ഭേദകം*

ഒരു ശബ്ദത്തിന്റെ അർത്ഥത്തെ വിശേഷിപ്പിക്കുന്നത്

ഭേദകം 7 വിധം

1. *ശുദ്ധം* - നാമത്തോട് ചേർന്നുണ്ടായ ഭേദകം
_ഉദാ: ചെറുപയർ, ചെമ്മാനം_

2. *സഖ്യം* - സംഖ്യ രൂപത്തിൽ വരുന്ന ഭേദകം 
_ഉദാ: ആയിരം കണ്ണുകൾ_

3 *വിഭാവകം* - സ്വഭാവം സൗന്ദര്യം തുടങ്ങിയ വിശേഷണങ്ങൾ എടുത്ത് കാണിക്കുന്നവ
_ഉദാ : ധീരവനിത , കോ ഉദാ മളരൂപം_

4 *പാരിമാണികം* - അളവ് വിശേഷണമായി വരുന്നവ
_ഉദാ : ഒരു കിലോ അരി_

5. *സാർവ്വനാമികം* - സർവ്വനാമ രൂപത്തിൽ വരുന്നത്
_ഉദാ: അക്കാലം, ഇക്കഥ_

6. *നാമാംഗ ജം* - നമത്തെ ആശ്രയിച്ചു നിൽക്കുന്നത്
_ഉദാ: കറുത്ത കുതിര_

7. *ക്രിയാംഗജം* - ക്രിയയെ ആശ്രയിച്ചു നിൽക്കുന്ന വിശേഷണ രൂപം
_ഉദാ: വേഗത്തിൽ ഓടി_

____________________________

*ക്രിയ*

ലോക സധാരണമായ പ്രവൃത്തിയെ അല്ലെങ്കിൽ അവസ്ഥയെ കുറിക്കുന്നത്

*സകർമ്മകം - അകർമ്മയം*

*സകർമ്മകം*

ആരെ? എന്തിനെ ? ഇന ചോദ്യങ്ങൾക്ക് ഉത്തരമുള്ള ക്രിയ
_ഉദാ: അമ്മ കുട്ടിയെ ഉറക്കുന്നു._

*അകർമ്മകം*

ആരെ? എന്തിനെ ? ഇന ചോദ്യങ്ങൾക്ക് ഉത്തരമില്ലാത്ത ക്രിയ
_ഉദാ: കുട്ടി പാടുന്നു._

*കാരിതം - അകാരികം*

*കാരിതം*
'ക്കു ' എന്ന അംശമുള്ള രൂപങ്ങൾ
_ഉദാ: കേൾക്കുന്നു_

*അകാരിതം*
'ക്കു ' എന്ന അംശമില്ലാത്ത രൂപങ്ങൾ
_ഉദാ: പാടുന്നു._

*കേവലം - പ്രയോജകം*

*കേവലം*
സ്വയം ചെയ്യുന്ന ക്രിയകൾ
_ഉദാ: ഉണ്ണുന്നു , കളിക്കുന്നു._

*പ്രയോജകം*
പര പ്രേരണയാൽ ചെയ്യുന്ന ക്രിയകൾ
_ഉദാ: ഊട്ടുന്നു, കളിപ്പിക്കുന്നു._

*മുറ്റുവിന - പറ്റു വിന*

*മുറ്റുവിന*
മറ്റൊരു പദത്തിനും കീഴടക്കാതെ വരുന്ന വാക്യത്തിലെ പ്രധാന ക്രിയ
_ഉദാ: അമേരിക്കയുടെ വിമാനം "തകർന്നു."_

*പറ്റു വിന*

വാക്യങ്ങളിൽ കാണുന്ന അപ്രധാന ക്രിയ
_ഉദാ: "കണ്ട " സിനിമ_

പറ്റു വിന രണ്ടു വിധം
*പേരച്ചം, വിനയച്ചം*

*പേരച്ചം* - ഒരു നാമത്തെ ആശ്രയിച്ചു നിൽക്കുന്ന അപൂർണ്ണ ക്രിയ
_ഉദാ: വാടിയ പൂവ്_

*വിനയച്ചം*
ക്രിയയെ ആശ്രയിച്ചു നിൽക്കുന്ന അപൂർണ്ണ ക്രിയ
_ഉദാ: ഓടിപ്പോയി_

വിനയച്ചം 5 വിധം

1. *മുൻ വിനയച്ചം* - ഭൂതകാല രൂപത്തിലുള്ള വിശേഷണ ക്രിയ
_ഉദാ: ചാടിപ്പോയി_

2. *പിൻ വിനയച്ചം* - ഭാവി കാല രൂപത്തിലുള്ള വിശേഷണ ക്രിയ
_ഉദാ: നടക്കാൻ പോയി_

3. *നടു വിനയച്ചം* - കാലഭേദമില്ലാത്ത വിനയച്ചം
_ഉദാ: സത്യം പറയുക വേണം_

4. *തൻ വിനയച്ചം* - വർത്തമാനകാലത്തെ സൂചിപ്പിക്കുന്ന വിനയച്ചം
_ഉദാ: അച്ചൻ  ഇരിക്കെ മകൻ മരിച്ചു_

5. *പാക്ഷിക വിനയച്ചം* - ഒരു ക്രിയ സംഭവിക്കുന്ന പക്ഷം എന്നയർത്ഥത്തിൽ വരുന്ന വിനയച്ചം
_ഉദാ: കണ്ടാൽ പറയാം_

_____________________________________
*സന്ധി*

രണ്ടു വർണ്ണങ്ങൾ തമ്മിൽ ചേരുമ്പോൾ ഉണ്ടാകുന്ന മാറ്റത്തെ സന്ധി എന്നു പറയുന്നു.

സന്ധിക്കുന്ന വർണ്ണങ്ങൾക്ക് വരുന്ന മാറ്റത്തെ ആസ്പദമാക്കി സന്ധിയെ 4 ആയി തിരിക്കുന്നു

1. *ലോപ സന്ധി*
രണ്ടു വർണ്ണം ചേരുമ്പോൾ ഒരു വർണ്ണം ലോപിച്ചാൽ (കുറഞ്ഞാൽ ) ലോപസന്ധി
_ഉദാ: കാറ്റ് + അടിച്ചു = കാറ്റടിച്ചു._

2. *ആഗമ സന്ധി*
രണ്ടു വർണ്ണം ചേരുമ്പോൾ ഒരു വർണ്ണം പുതുതായി വന്നു ചേരുന്നത്
_ഉദാ: അണി + അറ = അണിയറ_

3. *അദേശ സന്ധി*
രണ്ടു വർണ്ണം ചേരുമ്പോൾ ഒരു വർണ്ണം പോയിട്ട് അതിന്റെ  സ്ഥാനത്ത് മറ്റൊരു വർണ്ണം വന്നു ചേരുന്നത്
_ഉദാ: വെള്+ മ = വെണ്മ_

4. *ദ്വിത സന്ധി*
രണ്ടു വർണ്ണം ചേരുമ്പോൾ ഒരു വർണ്ണം ഇരട്ടിച്ചാൽ
_ഉദാ: പണി + പുര = പണിപ്പുര_

______________________________

*സമാസം*

വിഭക്തി പ്രത്യയങ്ങൾ കൂടാതെയുള്ള പ്രയോഗമാണ് സമാസം

*തൽ പുരുഷ സമാസം*
ഉത്തര പദത്തിന്റെ അർത്ഥത്തിന് പ്രധാന്യം കൊടുക്കുന്നത് തൽ പുരുഷൻ

തൽ പുരുഷ സ മാസം 7 അയി തിരിച്ചിരിക്കുന്നു.

*നിർദ്ദേശികാ തൽ പുരുഷൻ*
വിഗ്രഹിക്കുമ്പോർ പൂർവ്വ പദത്തോട് " എന്ന " അവ്യവം ചേരുന്നു.
_ഉദാ: കാളിദാസ കവി - കാളിദാസന്നെ കവി_

*പ്രതിഗ്രാഹിക തൽ പുരുഷൻ*
പൂർവ്വ പദത്തോട് 'എ' എന്ന പ്രത്യയം ചേർന്നു വരുന്നത്
_ഉദാ: മരംകൊത്തി - മരത്തെ കൊത്തുന്നത്_

*സംയോജികാ തൽ പുരുഷൻ* -  സമസ്ത പദം വിഗ്രഹിക്കുമ്പോൾ ഒട്, കട് എന്നീ പ്രത്യയങ്ങൾ പൂർവ്വ പദത്തിൽ കാണുന്നത്
_ഉദാ: രാജ തുല്യൻ - രാജാവിനോട് തുല്യൻ_

*ഉദ്ദേശിക തൽ പുരുഷൻ*
ക്ക്, ന് എന്നീ പ്രത്യയങ്ങൾ ചേർത്ത് വിഗ്രഹിക്കുന്നു.
_ഉദാ: കുളിക്കടവ് - കുളിക്ക് ഉള്ള കടവ്_

*പ്രയോജിക തൽ പുരുഷൻ*
'ആൽ' പ്രത്യയം ചേർത്ത് വിഗ്രഹിക്കുന്നു
_ഉദാ: പൂമാല - പൂവാൽ മാല_

*സംബന്ധികാ തൽ പുരുഷൻ* -
ന്റെ ,ഉടെ എന്നീ പ്രത്യയങ്ങൾ വിഗ്രഹിക്കുമ്പോൾ പൂർവ പാദാന്ത്യത്തിൽ കാണുന്നത്
_ഉദാ: ആനവാൽ - ആനയുടെ വാൽ_

*അധാരിക തൽ പുരുഷൻ*
ഇൽ, കൽ എന്നീ പ്രത്യയങ്ങൾ പൂർവ പുത്തിൽ കാണുന്നത്
_ഉദാ: കാട്ടാന - കാട്ടിൽ ഉള്ള അന_

*കർമ്മധാരയൻ സമാസം*
വിശേഷ വിശേഷ്യങ്ങൾ സമാനാധികരണമായി സമാസിക്കുകയാണ് കർമ്മധാരയൻ
_ഉദാ: വിശുദ്ധ കർമ്മം - വിശുദ്ധമായ കർമ്മം_

*ദ്വിഗു സമാസം*
പൂർവ്വപദം സംഖ്യാ നാമമായിട്ടുള്ള സമാസം
_ഉദാ: സപ്ത സ്വരങ്ങൾ - ഏഴ് സ്വരങ്ങൾ_

*നിത്യ സമാസം* - വിഗ്രഹിച്ച് ഫാക പദങ്ങൾക്ക് അർത്ഥം പറയാൻ കഴിയാത്ത സമാസം
_ഉദാ: ചെങ്കോൽ ,വൻ തേൻ_

*രൂപക സമാസം*
വിശേഷണ വിശേഷ്യങ്ങൾക്ക് അഭേദകം കൽപിക്കുന്ന സമാസം
_ഉദാ: കണ്ണീർ മുത്ത് - കണ്ണീരാകുന്ന മുത്ത്_

*ഉപമിത സമാസം*
പൂർവ്വോത്തര പദങ്ങൾക്ക് സാദൃശ്യ കല്പന നടത്തുന്ന സമാസം
_ഉദാ: പദപങ്കജം - പങ്കജം പോലെയുള്ള പദം_

*ബഹുഫ്രീഹി സമാസം*
അന്യ പദാർത്ഥ പ്രധാനമായ സമാസമാണ് ബഹുഫ്രീഹി സമാസം
_ഉദാ: കൊണ്ടൽനേർവർണ്ണൻ - കൊണ്ടലിന് നേരായ വർണ്ണത്തോട് കൂടിയവർ_

*ദ്വന്ദ്വ സമാസം*
ഘടക പദങ്ങൾക്കെല്ലാം തുല്യ പ്രധാന്യമുള്ള സമാസം
_ഉദാ: രാപ്പകൽ - രാവും പകലും_
________________________________

*ചിഹ്നം*

" *.*  " - പൂർണ്ണ വിരാമം, ബിന്ദു (full stop)

" *,*" - അൽപ വിരാമം, അങ്കുശം (comma)

" *;*" -  അർദ്ധ വിരാമം, രോധിനി ( semi colon)

" *:*" - ഭിത്തിക,  അപൂർണ്ണ വിരാമം ( colon)

" *?*" - ചോദ്യ ചിഹ്നം, കാകു ( question mark,

"  ( *"  "* )/( *'  '* ) " - ഉദ്ധരണി , inverted comma
h
" *!*" - ആശ്ചര്യ ചിഹ്നം, വിക്ഷേപിണി (Exclamation)

" *[ ] / ( )* " - j വലയം - (Bracket)